678670, с.Чурапча ул. Карла Маркса 19 +7(984)1182258 m.haacka@gmail.com

Чурапчы улууһугар Улуу Кыайыы 75 сылын көрсөргө бэлэмнэнии күргүөмнээхтик ыытыллар. Олунньу 5-7 күннэригэр Семен Новгородов аатынан орто оскуолаҕа эр дьон кэлэктиибэ кыттыылаах, “Дархан” байыаннай-патриотическай хамсааһын салалтатынан 6-11 кылаас уолаттарыгар үс күннээх байыаннай хомуур ыытылынна.

 
 

Олунньу 6 күнүгэр Чурапчы улууһун Аҕа баһылыга Андрей Ноговицын салайааччылаах 150 киһилээх делегация ыаллыы сытар Амма улууһугар Чурапчы күннэрин тэрийдэ. Бииргэ үлэлииргэ, бэйэ-бэйэни өйөһөргө сөбүлэҥ түһэрсэн кэллэ.

Убаастабыллаах Чурапчы сэлиэнньэтин олохтоохторо! Бэйдиэ сылдьар ыттары тутуу-көрүү, сэрэхтээх буолуу, дьиэ кэргэҥҥэ иитии боппуруостара күн бүгүн Чурапчыга сытыытык турар. Дьаһалта өттүттэн ыты тутуу үлэ бардар да уулуссаҕа көңүл сылдьар ыттар оҕолорго, дьонңо-сэргэҕэ кутталы үөскэтэллэр. Федеральнай сокуон 27.12.2018 с. №498-ФЗ уонна Саха Өрөспүүбүлүкэтин бырабыыталыстыбатын 01.08.2014 с. №247 «Ыты, куосканы Саха өрөспүүблүкэтигэр тутуу, көрүү-истии» уурааҕыгар олоҕуран иhитиннэрэбит:

  • Хас биирдии дьиэ кэргэн ыт, куоска иитэ ыларыгар улахан эппиэтинэһи сүгүөхтээх. Ыт хайаатар да докумуоннаах паспордаах буолуохтаах.
  • Хаhаайыттар ыттаргытын күрүө таhыгар таhаараргыт бобуллар. Күрүө таhыгар таhаарар түгэннитигэр ыкка намордник уонна ошейнигыттан тутар быалаах (поводок) таhаарыахтааххыт.
  • Ыттаах ыал күрүө иhигэр ыт баарын туhунан сэрэтии суругу ыйыыргыт эбэhээтинэй. Бу быраабыланы тутуспат түгэннитигэр РФ уонна Саха сирин сокуонугар олоҕуран эппиэтинэhи сүгэҕит.

«Чурапчы нэһилиэгэ» МТ дьаһалтата

Чурапчы улууһун баһылыгын ааспыт сыллааҕы отчуотугар үгүстүк боппуруос быһыытынан көтөҕүллүбүт, дьону сэҥээрдибит  тыа сирин олохтоохторугар 2,7%-наах ипотеканан туһаныы буолбута. Онон «Саҥа олох» эрэдээксийэтэ “Россельхозбаан” Чурапчытааҕы филиалын салайааччытыттан Дария Савельевна Ефремоваттан чэпчэки бырыһыаннаах ипотека туһунан сырдатарыгар көрдөстө.

Чурапчы улууһун Хатылы нэһилиэгин “Баҕа санаа” үҥкүү кэлэктиибэ Москубаттан Гран при аатын ылан кыайыы кынаттанан кэллэ. Кинилэр Мимика уонна жест тыйаатырын киин түһүлгэтигэр сылын аайы ыытыллар Х-с “Москуба сулустара” оскуола саастаах уонна улахан дьон айар үлэлэрин көрүү Аан дойдутааҕы бэстибээлигэр кыттыбыттара.

Страница 6 из 28