Ахсынньы 18 күнүгэр Чурапчы улууһун дьаһалтатын аактабай саалатыгар  СӨ  Ил Түмэн Судаарыстыбаннай Мунньаҕын дьокутааттара  Михаил Гуляев, Андрей Находкин,  Василий Местников, Семен Никитин  нэһилиэнньэни кытта көрүстүлэр. Кинилэри сэргэ улуус баһылыгын э.т. Алексей Ноговицын, улуус дьокутааттарын Сэбиэтин бэрэссэдээтэлэ Афанасий Захаров кытыннылар.

Сэтинньи 24 күнүттэн ахсынньы 14 күнүгэр  диэри ыытыллыбыт I Педагогическай Хакатон күрэҕэр чурапчылар ситиһиилээхтик кытыннылар. «Улыбка“ уһуйаан  интерактивнай үөрэхтээһин платформатын оҥорон, “Бастыҥ хамаанда” анал аат кыайыылааҕынан ааттанна. 

Бүгүн, ахсынньы 18 күнүгэр, Чурапчытааҕы оҕо успуорт оскуолатын 20 сыллаах үбүлүөйүн көрсө аһаҕас маастар кылаастар ыытылыннылар. Илин эҥэр Таатта, Мэҥэ Хаҥалас, Уус Алдан улуустарыттан оҕо успуорт оскуолатын дириэктэрдэрэ кэлэн уопут атастаһыыга кытыннылар. Тэрээһин Александр Федотов аатынан успуорт комплексыгар буолла.

Москва уобалаһын Можайскай уокурук Бородинскай тыатыгар ахсынньы 13 күнүгэр 20-с Бүтүн Арассыыйа саҥа дьыллааҕы харыйатын эрбии сылдьар буоллахтарына бу күн Чурапчы нэһилиэгин Ленин аатынан киин болуоссатыгар дьэрэкээн харыйа уота сандаара тыкта.