678670, с.Чурапча ул. Карла Маркса 19 +7(984)1182258 m.haacka@gmail.com

Олунньу 15-16 күннэригэр өрөспүүбүлүкэ үрдүнэн хапсаҕайга икки улахан түһүлгэ биир тэҥник ыытылла турар. Ол курдук икки улахан ааттаах-суоллаах сүдү тустууктарбыт сырдык кэриэстэригэр буолар турнирдар хайдах даҕаны өрөспүүбүлүкэ ыспартыыбынай халандаарыгар кыайан ыпсыбыкка биир күҥҥэ ананан турдулар. Чурапчы Хоптоҕо нэһилиэгэр, Олимпийскэй чөмпүйүөн, СӨ Ил Түмэнин дьокутаата Павел Пинигин төрөөбүт сиригэр, улуус биллиилээх хапсаҕайдьыта Прокопий Брызгаев-Бөҕө Тараҕай бирииһигэр өрөспүүбүлүкэ турнира бэҕэһээҥҥиттэн саҕаланна.

Чурапчыга “Норуот көҕүлээһининэн саҥа нэһилиэк” диэн ааттаах сэминээр буолла. Манна СӨ Ыччатын парламенын уонна Чурапчытааҕы Ыччат координационнай Сэбиэтин чилиэттэрэ үлэлээтилэр.

Бүгүн, олунньу 13 күнэ, Төрөөбүт тыл уонна сахалыы сурук-бичик – лингвист учуонай Сэмэн Ноҕоруодап төрөөбүт күннэринэн итиэннэ  СӨ дойдуга бэриниилээх буолуу, Улуу Кыайыы 75 сылларын көрсө, Чурапчы нэһилиэгэр Сэмэн Ноҕоруодап аатынан Чурапчы орто оскуолатын 1000-тан тахса үөрэнээччитэ, оскуола бүтүннүү кэлэктиибэ бу күнү уруйдаан төрөөбүт тыл туһунан хоһоону уонна оһуохай түһүлгэтин тэрийдилэр. Маны сэргэ “Айылгы” норуот айымньытын дьиэтигэр, “Мин Сахабын” алта түһүмэхтээх, 800-кэ оҕо-дьон кыттыылаах бастакы улуустааҕы бэстибээл саҕаланна.

Чурапчы улууһун бойобуой дьайыылар бэтэрээннэрин уопсастыбаннай түмсүүтэ, итиэннэ Афганистан сэриитин бэтэрээннэрэ былырыын оҥоһуллубут “Долг. Честь. Мужество” монумеҥҥа сибэкки дьөрбөтүн уурдулар. Бэлиэ тэрээһин Интернационал буойуттар күннэрин чэрчитинэн ыытылынна.

Саха сирин бастакы бэрэсэдьиэнэ Михаил Николаев 1996 сыллаах анал уурааҕынан, олунньу 13 күнэ – төрүт тыл уонна сурук-бичик күнүнэн биллэриллэн турар. Итинэн сиэттэрэн бу күн, Саха сирэ бүттүүнэ “Ийэ тыл” декаданы көтүппэккэ тэрийэн ыытар. Онуоха Чурапчы улууһугар “Уран тыл” араатардар күрэхтэрэ, саха лингвист учуонайа, сахалыы букубаар бастакы ааптара Семен Андреевич Новгородов төрөөбүт сиригэр, номнуо 12-с төгүлүн ыытыллар.

Страница 4 из 27

Наши партнеры