Бүгүн о.э. сэтинньи сэттистиир күнүгэр Чурапчы нэһилиэгэр Албан аат уонна Улуу Өктөөп 102 сылыгар анаммыт тэрээһин буолан ааста. Дойду үрдүнэн бу күн 1941 сыллаахха ыытыллыбыт байыаннай хааччыллыы көрдөрүүтүн ахтан-санаан, улуус оскуолаҕа байыаннай-патриотическай кулуубтарын түмсүүтэ, мустубут дьону кытары Кыайыы сквериттэн Александр Федотов аатынан ыспартыыбынай комплекска диэри сэлэлии хаамтылар.

Маҥнай Өктөөп өрөбөлүүссүйэтин күнүнэн РФ Чурапчы улууһунааҕы хомуньуус баартыйа чилиэттэрэ, оройуоннааҕы бүрүө I сэкиритээрэ Семен Никитин салайыытынан судаарыстыбаннас олохтонуутун скверигэр өйдөбүнньүк бэлиэ уурдулар.

Ол кэннэ тута Кыайыы скверигэр тэрээһин үөрүүлээх чааһыгар кытыннылар. Эҕэрдэ тыллары Ил Түмэн дьокутаата Семен Никитин, Чурапчы нэһилиэгин баһылыга Владимир Сивцев эттилэр. Таатта уонна Чурапчы улуустарын байыаннай хамыссарыйаатын хамыһаара, подполковник Николай Андреев салайыытынан патриотическай кулууб оҕолоро парааттаан хаамтылар.

Александр Федотов аатынан ыспартыыбынай саалаҕа Кыайыы былааҕын Иван Павлов аатынан Мурун орто оскуолатын үөрэнээччилэрэ күөрэччи тутан киллэрдилэр. Кинилэри таһынан устуруой көрүүтүгэр Чурапчы орто оскуолатын, Чурапчытааҕы гимназия, Болтоҥо, Хайахсыт, Хатылы орто оскуолатын үөрэнээччилэрэ актыыбынай кыттыыны ыллылар.

Маны таһынан бүгүҥҥү дьоро күҥҥэ сөп түбэһиннэрэн күһүҥҥү ыҥырыынан аармыйаҕа барар 5 уолу атаарыы сиэрэ-туома буолла. Байыаннай хамыһаар Николай Михайлович аармыйаҕа сулууспалыы барар уолаттар төрөппүттэригэр оҕону сөптөөхтүк, дьоһуннук иитиилэрин иһин махтал суруктары туттартаата.

Ааптар: Семен Жендринскэй.

Источник: UlusMedia