678670, с.Чурапча ул. Карла Маркса 19 +7(984)1182258 m.haacka@gmail.com

Миссис Чурапча-2019

Үтүө үгэскэ кубулуйбут 13 сылын ыытыллар, саамай күүтүүлээх "Миссис Чурапча" эдэр ийэлэр күрэхтэрэ быйыл алтынньы ый 26 күнүгэр А.И.Федотов аатынан многофункциональнай комплекска үрдүк таһымҥа буолан ааста. 

Ол курдук Чурапчы нэһилиэгин тэрилтэлэрин холбоһуктаах хамаандаларыттан 12 кыттааччы биэс түһүмэххэ кытыннылар. Бииртэн биир солун, сөҕүмэр элбэх дэгиттэр талааннаах, бары өттүнэн олус көхтөөх кэрэ аҥардарбыт бу киэһэ барыбытыгар дуоһуйууну, сынньалаҥы бэлэхтээтилэр. Бары тэрилтэлэр саба түһэн, көмөлөөн көхтөөх үлэ күөстүү оргуйбута сыанаҕа көрдөрүллэн дохсун ытыс тыаһынан доҕуһуолланна. 
Саамай элбэх куолаһы ылан "Миссис инстаграм" номинация хаһаайката Оксана Лукина буолла, "2-Вице Миссис Чурапча"- Наталья Софронова, "1-Вице Миссис Чурапча"-Татьяна Неустроева уонна саамай үрдүк сыанабылы "Миссис Чурапча" кыайыылаах үрдүк аатын Евдокия Посельская сүктэ.
Кэрэ аҥардары чугас бар дьонноро эҕэрдэлээн сибэкки дьөрбөтүн утары уунан, истиҥ тыллары этэн, күндү бэлэхтэрин туттартаатылар. Бары кыттааччыларга, тэрилтэлэргэ, спонсордарга, күүс-көмө буолбут бар дьоммутугар истиҥ махталбытын тиэрдэбит. "Миссис Чурапча” проект эдэр ийэлэри кынаттыы, түмэ, кэрэҕэ уһуйа турдун!

Миссис Чурапча 2019 Евдокия Посельская

 

1 Вице Миссис Татьяна Неустроева

 2 Вице Миссис Наталья Софронова 

Миссис инстаграм Оксана Лукина