678670, с.Чурапча ул. Карла Маркса 19 +7(984)1182258 m.haacka@gmail.com

БӨҔӨ ТАРАҔАЙ ТҮҺҮЛГЭТЭ КҮҮСТЭЭХ БӨҔӨСТӨРҮ МУСТА

Олунньу 15-16 күннэригэр өрөспүүбүлүкэ үрдүнэн хапсаҕайга икки улахан түһүлгэ биир тэҥник ыытылла турар. Ол курдук икки улахан ааттаах-суоллаах сүдү тустууктарбыт сырдык кэриэстэригэр буолар турнирдар хайдах даҕаны өрөспүүбүлүкэ ыспартыыбынай халандаарыгар кыайан ыпсыбыкка биир күҥҥэ ананан турдулар. Чурапчы Хоптоҕо нэһилиэгэр, Олимпийскэй чөмпүйүөн, СӨ Ил Түмэнин дьокутаата Павел Пинигин төрөөбүт сиригэр, улуус биллиилээх хапсаҕайдьыта Прокопий Брызгаев-Бөҕө Тараҕай бирииһигэр өрөспүүбүлүкэ турнира бэҕэһээҥҥиттэн саҕаланна.

Өрөспүүбүлүкэбит араас муннуктарыттан 200-кэ бөҕөс кэлэн кыраһыабай тустууну көрдөрө сылдьар. Элбэх биллиилээх успуорт маастардара, өрөспүүбүлүкэ хапсаҕайга күүстээх састааба: Игнат Андросов, Александр Халыев, Владислав Лепчиков, Гаврил Михайлов, итиэннэ многоборецтар Петр Старостин, Айсен Ботуев о.д.а. Турнирга анал бириистэрбит таһынан икки МР-155 автомат саалар уонна 75 киилэҕэ диэри ыйааһыннаах бөҕөстөргө муҥутуур кыайыылаах убаһанан наҕараадаланыаҕа”, – диэн Чурапчы улууһун успуорка управлениетын начаалынньыга Иван Оконешников кэпсиир.

Маннык улахан таһымнаах өрөспүүбүлүкэ турнирыгар, өрөспүүбүлүкэҕэ тустуу сайдарыгар үгүс күүһү биэрбит, улууспутуттан ССРС успуордун бастакы маастара, “Бочуот Знага”, “Үлэ Кыһыл Знамята” уордьан кавалера, “Үлэҕэ килбиэнин иһин” мэтээл хаһаайына Максим Николаевич Сибиряков кэлэн ыалдьыттыы сылдьар.

Күрэхтэһии түөрт ыйааһынын финальнай хапсыһыылара уонна түһүлгэ муҥутуур кыайыылааҕын быһаарар күүстээх киирсиилэрэ күн иккис аҥарыгар ыытыллара былааннанар.

Ааптар: Сэмэн Жендринскэй.

Источник: UlusMedia

Добавить комментарий


Защитный код
Обновить

Наши партнеры