678670, с.Чурапча ул. Карла Маркса 19 +7(984)1182258 m.haacka@gmail.com

ЧУРАПЧЫ УЛУУҺУГАР МОБИЛЬНАЙ БИРИГЭЭДЭ ҮЛЭТИН САҔАЛААТА

Бүгүн, тохсунньу 22 күнүгэр, Одьулуун нэһилиэгин алта кырдьаҕас олохтооҕо киин поликлиникаҕа кэлэн, туһааннаах исписэлиистэргэ сылдьан көрдөрүннүлэр.

Чурапчы улууһун социальнай харалтатын салайааччыта Лидия Васильевна Тосукаева иһитиннэрбитинэн, мобильнай биригээдэ үлэтин эрэсиимин былааннаан номнуо үлэтин саҕалаата. Онон нэһилиэк аайыттан хас сайаапка киирбитин көрөн, олохтоох кырдьаҕастарга күүс-көмө, тирэх буолуохтара.

Ааспыт 2019 сыл ахсынньы 24 күнүгэр улуус дьаһалтатын мунньахтыыр саалатыгар Томпо, Уус Алдан, Мэҥэ Хаҥалас, Нам, Амма, Чурапчы улуустарын кылаабынай быраастара уонна социальнай харалта салайааччылара кыттыылаах “65 саастарыттан үөһэ саастаах кырдьаҕас дьону тыа сириттэн улуус киинигэр балыыһаҕа көрдөрөргө” илдьии-аҕалыы туһунан улахан семинар буолан ааспыта.

Семинар быһаарыытынан Чурапчы улууһун социальнай харалтата уонна улуустааҕы киин балыыһа уопсай сөбүлэҥнэринэн, итиэннэ Одьулууннааҕы балыыһа мэктиэлээһининэн бүгүн Одьулуун нэһилиэгин алта кырдьаҕас олохтооҕо поликлиникаҕа кэлэн туһааннаах исписэлиистэргэ сылдьан көрдөрүннүлэр.

Биһиги бүгүн алтыа буолан көрдөрүнэ киирдибит. Улууспут социальнай харалтатын үлэһиттэрэ олус үчүгэйдик үлэлииллэр. Холобура, хортуопуй көмүүтүгэр, ас-үөл, мал-сал ылыытыгар кыргыттарбыт көмөлөрө үгүс, улаханнык абырыыллар. Ону таһынан учаастактааҕы балыыһабыт сэбиэдиссэйэ Татьяна Ивановна Дьячковская эмиэ биһиэхэ кыһанар, туһааннаах процедурабытын хаһан баҕарар кэлэн киниттэн ылабыт. Түгэнинэн туһанан ити ааттаабыт дьоммутугар олохтоох кырдьаҕастар ааттарыттан улахан махталбытын биллэрэбит”, – диэн Одьулуун нэһилиэгин төрүт олохтооҕо Мария Николаевна Куличкина санаатын этэр.

Ааптар: Сэмэн Жендринскэй.

Источник: Ulusmedia

Добавить комментарий


Защитный код
Обновить

Наши партнеры