678670, с.Чурапча ул. Карла Маркса 19 +7(984)1182258 m.haacka@gmail.com

БЭЛИЭ КҮНҮ БОЛДЬОҺО ЧУРАПЧЫГА ХАРЫЙА УОТА САНДААРДА

Москва уобалаһын Можайскай уокурук Бородинскай тыатыгар ахсынньы 13 күнүгэр 20-с Бүтүн Арассыыйа саҥа дьыллааҕы харыйатын эрбии сылдьар буоллахтарына бу күн Чурапчы нэһилиэгин Ленин аатынан киин болуоссатыгар дьэрэкээн харыйа уота сандаара тыкта.

Халлаан бытарҕан тымныытын аахсыбакка мустубут кырачаан оҕолору, нэһилиэк олохтоохторун Аҕа баһылык Владимир Дмитриевич Сивцев үүнэн иһэр Саргылаах 2020 дьылынан эҕэрдэлээтэ. Мустубут дьону ыраах хайалаах Хоту дойдуттан кэлбит Хаар дьоннор, соҕурууттан тоҕуоруспут Санта Клаустар уонна Сахабыт сирин Эһээ Дьыла сиэнэ кыыс Хаарчааналыын сыарҕалаах атынан кэлэннэр оҕолор үөрүүлэрин үксэттилэр. Лаглайбыт күөх харыйа хоробуот ырыа ылланна, хаар, муус оҥоһуктар тастарыгар уопсай хаартыскаҕа түстүлэр.

 

Кырыа кыһын Саха сириттэн саҕаланар, оттон Чурапчы улууһун харыйата улахан тымныылары баттаһа, дойду харыйата эрбэнэрин болдьоһо сандаарда.

   

Ааптар: Сэмэн ЖЕНДРИНСКЭЙ.

Источник: UlusMedia

Добавить комментарий


Защитный код
Обновить

Наши партнеры