678670, с.Чурапча ул. Карла Маркса 19 +7(984)1182258 m.haacka@gmail.com

ЧУРАПЧЫГА ПОЛИЦИЯ НАЧААЛЫННЬЫГА НЭҺИЛИЭННЬЭ БОЛҔОМТОЛООХ ОЛОХТООХТОРУН НАҔАРААДАЛААТА   

Бүгүн, ахсынньы 2 күнүгэр, Чурапчы улууһун дьаһалтатын мунньахтыыр саалатыгар, Россия ИДЬМ Чурапчытааҕы салаатын начаалынньыга, полиция подполковнига Иннокентий Свинобоев уопсай бэрээдэк тупсуутугар уонна уопсастыбаннаска холобур буолар улуус 4 олохтооҕор махтал суруктары уонна сэмэй бэлэхтэри туттарда.

Ол курдук бу саас, Кытаанах нэһилиэгин олохтооҕо Дьулустаан Гаврильев, Чурапчы киинигэр турар маҕаһыын таһыттан улахан суумалаах харчыны булан, тута ватсап сыһыарыы нөҥүө сүтүктээҕи көрдөөн биллэрии таһаарбыта. Отдел дьуһуурунай чааһыгар тиийэн участковай полицияҕа туттарбытын түмүгэр, Таатта улууһун урбаанньыта сүтүгүн кэлэн ылбыта бэлиэтэннэ.

   

Итиэннэ Төлөй нэһилиэгин олохтоохторо Кирилл Смирников, Николай Лаврентьев, Никита Монастырев бу соторутааҕыта, сэтинньи тымныыта саастарын ситэ туола илик икки оскуола үөрэнээччитин куоракка сатыы баран иһэллэрин федеральнай тыраассаттан булан аҕалан дьуһуурунай чааска аҕалбыттара.

Бу Чурапчы улууһун түөрт олохтооҕо – боростуой күннээҕи түбүккэ үлэлии-хамныы сылдьар уолаттар туох даҕаны кэтэх санаата суох, дьон-сэргэ олоҕун санаан үтүө дьыаланы оҥорбуттарын полиция начаалынньыга Иннокентий Дмитриевич тоһоҕолоон бэлиэтээтэ.

Ааптар: Сэмэн Жендринскэй.

Источник: UlusMadia

 

Добавить комментарий


Защитный код
Обновить

Наши партнеры