Алтынньы 25 күнүгэр Чурапчыбыт килбэйэр киинигэр 240 миэстэлээх саҥа "Улыбка" уһуйаан дьиэтин үөрүүлээх аһыллыыта буолла. Манна сүрүн подрядчигынан А.А.Неустроев салайааччылаах "Силим" ХЭТ бириэмэтигэр үлэни-

хамнаһы үмүрүтэн, оҕо-аймах саргытын салайсан оҕо саадын саҥа дьиэтин тутан таһаарда. Саха республикатын бастакы Ил Дарханын Егор Борисовы иитэн таһаарбыт ытык ийэ Прасковья Ильинична Борисова аата уһуйааҥҥа иҥэрилиннэ. Саҥа дьиэ үөрүүлээх аһыллыытыгар Чурапчы улууһун баһылыгын э.т. А.А. Ноговицын, Чурапчы нэһилиэгин баһылыга В.Д.Сивцев, Саха Республикатын (Ил Түмэн) Государственнай мунньаҕын депутаттара М.Д.Гуляев, П.П.Пинигин, Саха Республикатын тутууга миниистрэ П.А.Аргунов, Саха республикатын үөрэҕирии уонна наука миниистрэ В.А.Егоров эҕэрдэ тыллары анаан, наҕараадалары туттардылар. Ымыы чыычаах оҕолорбут чуор куоластарынан хомоҕой хоһооннорунан бу кэрэ күнү киэргэттилэр. Саҥа уһуйаан кэлэр кэнчээри ыччакка олохторугар үтүө олук буоллун диэн алгыспытын этэбит.