678670, с.Чурапча ул. Карла Маркса 19 +7(984)1182258 m.haacka@gmail.com

ЧУРАПЧЫТААҔЫ “БАҔА САНАА” БӨЛӨХ ААН ДОЙДУТААҔЫ БЭСТИБЭЭЛГЭ КЫАЙДА

Чурапчы улууһун Хатылы нэһилиэгин “Баҕа санаа” үҥкүү кэлэктиибэ Москубаттан Гран при аатын ылан кыайыы кынаттанан кэллэ. Кинилэр Мимика уонна жест тыйаатырын киин түһүлгэтигэр сылын аайы ыытыллар Х-с “Москуба сулустара” оскуола саастаах уонна улахан дьон айар үлэлэрин көрүү Аан дойдутааҕы бэстибээлигэр кыттыбыттара.

“Үҥкүүм кэлэктиибин кытары ийэлии алтыһан, Москуба куоракка бэйэтигэр тиийэн маннык кыайыыны ситиспиппититтэн олус астынабын. Кэлэктиипкэ уопсайа уон үҥкүүһүттээхпин, олус кыһаллан туран дьарыктаналлар, маладьыастар. Түгэнинэн туһанан, салайааччыбытыгар Лариса Лукинична Макароваҕа улахан махталбытын тиэрдэбит,” – диэн кэлэктиип хореограба Елена Заборовская санаатын үллэстэр. Маны таһынан Елена Семеновна бэйэтэ ити бэстибээл эстраднай вокалыгар кыттан I истиэпэннээх лауреат аатын ылла.

“Баҕа санаа” кэлэктиип улахан кыайыыларынан эҕэрдэлээн туран инники үлэлэригэр-хамнастарыгар ситиһиилэри баҕарабыт.

  

Ааптар: Сэмэн Жендринскэй. 

Источник: UlusMedia