678670, с.Чурапча ул. Карла Маркса 19 +7(984)1182258 m.haacka@gmail.com

ЧУРАПЧЫ КУОҔАЛЫТЫГАР ГААС КИИРДЭ

Ахсынньы 5 күнүгэр «Куоҕалы» ТОС-ка гаас ситимэ киириитин  үөрүүлээх түгэнэ буолла.

Бэлиэ күҥҥэ СӨ Ил Дархана Айсен Николаев, Арассыыйа Федерациятын Сэбиэтин чилиэнэ Егор Борисов, улуус баһылыгын эбээһинэһин толорооччу Алексей Ноговицын, улуус дьокутааттарын Сэбиэтин бэрэссэдээтэлэ Афанасий Захаров, Чурапчы нэһилиэгин баһылыга Владимир Сивцев кыттыыны ыллылар. Олохтоохтор кэлбит ыалдьыттары сылаас алаадьынан, итии чэйинэн  күндүлээн  көрүстүлэр.

  

CӨ Ил Дархана Айсен Николаев Чурапчы улууһун олохтоохторун гаас ситимэ кэлбитинэн эҕэрдэлээтэ, олохпут тупсарын туһугар туох баар сатабылы, кыаҕы ууран туран  үлэлииргэ-хамсыырга  ыҥырда, ситиһиилэри баҕарда.

Салгыы Егор Афанасьевич салайар дэлэгээссийэтэ  гаас аан бастакынан киирбит ыалларыгар, сэттэ оҕолоох СеменФевронья Андреевтарга ыалдьыттаатылар, үөрүүлээх түгэнинэн эҕэрдэлээтилэр, олохторун-дьаһахтарын билистилэр. Итини тэҥэ  оҕолорго кэлэн иһэр Саҥа Дьылынан бэлэхтэри туттарда.

Ааптар: Марфа ПЕТРОВА.

Источник: UlusMedia