Объявления                               Новости                                Магазины               

ЧУРАПЧЫГА ААН ДОЙДУ ЧӨМПҮЙҮӨНҮН ЧИЭСТЭЭТИЛЭР

Дата публикации 19.09.2018

“Якутия 24” балаҕан ыйын 7 күнүнээҕи биэриитигэр: “Саха тустууга Эдуард Григорьев 61 киилэҕэ Бразилия Гоянь куоратыгар устудьуоннар ортолоругар ыытыллыбыт Аан дойду чөмпүйэнээтигэр кыайыыны ситистэ,” — диэн комментатор Николай Бэстиинэп иһитиннэрбитэ.


Чурапчыларга ити сонун икки бүк үөрүүнү аҕалла. Улуу тириэньэр Дмитрий Петрович Коркин төрөөбүтэ 90 сылынан дьоһун бэлэх буолла. Ону тэҥэ физкултуура институтуттан бастакы Аан дойду чөмпүйүөнэ таҕыста.

Эдуард бу түһүлгэҕэ кыайыылаах үрдүк аатын ылбытын таһынан норуоттар икки ардыларынааҕы кылаастаах успуорт маастарын нуорматын толордо. Бу ситиһиигэ улахан кыһамньытын, сыратын-сылбатын ууран туран дьарыктаабыт улууска биир тарбахха баттанар тириэньэр Данил Романович Неустроев дьоһун кылааттаах.

Балаҕан ыйын 17 күнүгэр кинилэри бу улахан ситиһиилэринэн улуус баһылыга А.Т. Ноговицын эҕэрдэлээтэ. Ол кэнниттэн Д.П. Коркин аатынан успуорт интэринээт-оскуолатыгар устудьуоннар уонна интэринээт иитиллээччилэрэ кыттыылаах улахан линейка тэрилиннэ. Манна Эдуард Григорьевы уонна Данил Неустроевы Чурапчы нэһилиэгин баһылыга С.А. Саргыдаев, интэринээт-оскуола дириэктэрэ Н.Н. Гуляев, институт ректора И.И. Готовцев, тустууга улуус сүүмэрдэммит хамаандатын ыстаарсай тириэньэрэ Кирилл Захаров эҕэрдэлээтилэр.

Ulus.media

Поделиться