Объявления                               Новости                                Магазины               

ЧУРАПЧЫГА АНДРЕЙ НОГОВИЦЫН ИНАУГУРАЦИЯТА БУОЛЛА

Дата публикации 21.09.2018

Бэҕэһээ Чурапчы нэһилиэгэр улуус Аҕа баһылыга Андрей Ноговицын иккис болдьоҕор үлэлиир биһирэмэ буолла.  Бэлиэ түгэни нэһилиэк күнүн кытта дьүөрэлээтилэр.


Быйыл 370 сааһын бэлиэтиир Чурапчы нэһилиэгин күнүгэр улууска аҕа баһылыгынан иккис болдьоххо талыллыбыт Андрей Ноговицыны эҕэрдэлээтилэр. Тэрээһин А.И. Федотов аатынан успуорт комплексыгар буолла.

Чурапчы күнүн бырааһынньыга П.Е. Барахсанов аатынан сынньалаҥ пааркатыгар тэрилиннэ. Араас таһымнаах атыы-эргиэн дьаарбаҥкатыгар оҕуруот, сир астарын, бэйэ оҥорон таһаарбыт бородууксуйатын атыылаатылар.

Тэрийээччилэр сылын аайы саҥаттан саҥа оонньуулары, күрэхтэһиилэри ыыталлар. Быйыл Чурапчы нэһилиэгин дьаһалтатын иһинэн рекорд олохтуур кинигэ оҥоһулунна, онно бастакы сайаапканы улуус бөдөҥ тутаах тэрилтэлэрэ биэрдилэр. “Чурапчы” ТХПК саамай уһун халбаһыны (устата 4м 32см, үрдүгэ 5см 8мм ) уонна “Маарыкчаан” ПО саамай улахан килиэби (иэнэ 4м 23см, уста мээрэйэ 1м 35см, үрдүгэ 23 см, ыйааһына 50 кг) оҥорон мустубут дьону күндүлээтилэр.

Эстрада сулустара кыттыылаах кэнсиэрт буолла уонна үгэс быһыытынан улуус бастыҥ асчыта Наталья Иванова оҥорбут туордунан дьону күндүлээтилэр.

АаптарСемен Жендринскэй

 

Ulus.media

Поделиться